Qarshi muhandislik-iqtisodiyot instituti akademik litseyining ona tili va adabiyoti fani oʻqituvchisi Dilnoza Berdimurodova va uning oilasi “Yangi Oʻzbekistonning ibratli harbiy oilasi” koʻrik-tanlovining yakuniy bosqichida ikkinchi oʻrinni egalladi

Oʻzbekiston Respublikasi Favqulodda vaziyatlar vazirligi hamda Oila va xotin-qizlar qoʻmitasi hamkorligida oʻtkazilgan tanlovda Qoraqalpogʻiston Respublikasi, Toshkent shahri va viloyatlar favqulodda vaziyatlar boshqarmalaridan bir nafardan harbiy xizmatchi va uning oila aʼzolaridan iborat jamoalar ishtirok etdi. Bellashuvlar toʻrtta shart boʻyicha boʻlib oʻtdi. Yakunda Qashqadaryo viloyati sharafini himoya qilgan Turdaliyevlar oilasi gʻolib va sovrindorlar qatorida eʼtirof etildi. Ushbu muvaffaqiyat bilan Dilnoza Berdimurodova hamda Turdaliyevlar oilasini samimiy muborakbod etamiz!