Bugun Qarshi muhandislik-iqtisodiyot instituti akademik litseyida O‘zbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida"...

Bugun Qarshi muhandislik-iqtisodiyot instituti akademik litseyida O‘zbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida”gi 4910-sonli Qarorining 3-ilovasi ijrosini ta’minlash maqsadida akademik litsey bitiruvchilari orasidan uchinchi semestr natijalariga ko‘ra barcha fanlardan eng yuqori o‘zlashtirish ko‘rsatkichlariga ega bo‘lgan 10 nafar a’lochi o‘quvchilarga akademik litsey Kengashi qaroriga ko‘ra bazaviy hisoblash miqdorining 2 barobari miqdorida «Akademik litseyimiz iftixori» stipendiyasi tantanali topshirildi. Shuningdek, an’anaviy test sinovlarining mart oyi natijalari sarhisob qilindi. Bilimni baholash agentligining diagnostik testi natijalarga ko‘ra eng yuqori ballarni qo‘lga kiritgan o‘quvchilar va ularning ota-onalariga akademik litsey rahbariyatining tashakkurnomalari topshirilib, pul mukofotlari bilan rag‘batlantirildi. Mart oyi davomida turli tadbirlarda, “Zakovat” intellektual oyinida g’oliblari, ilmiy-badiiy kechalarda, ko‘rik-tanlovlarda va sport musobaqalarida faol ishtirok etgan o‘quvchilar va o‘qituvchilar e’tirof etildi. Shu kunning o‘zida 2-kurs bitiruvchilarining ota-onalar yig‘ilishi ham tashkil qilinib, kelgusidagi vazifalar va chora-tadbirlar belgilanib olindi.