Institut Xalqaro hamkorlik bоʼlimi boshligʻi Alibek Eshev, “Qishloq xоʼjalik mahsulotlarini saqlash va dastlabki ishlash” texnologiyasi kafedrasi assistenti Nurbek Qobilov hamda iqtidorli talabalar QarMII akademik litseyi оʼquvchilari bilan uchrashdilar

"Yoshlar va xalqaro hamkorlik" mavzusidagi uchrashuvda litsey оʼquvchilariga institut tarkibidagi fakultetlar, yоʼnalishlar, institut moddiy-texnik bazasi hamda salohiyati tоʼgʻrisida soʼz yuritildi. Institutning xalqaro aloqalari, professor-оʼqituvchilar va talabalarning Yevropa Ittifoqi Erasmus+ dasturlari doirasida amalga oshirilayotgan almashinuv dasturlari haqida slaydlar hamda xorijda tahsil olib kelgan talabalar misolida maʼlumotlar berildi. Litsey оʼquvchilari ham QarMIIda tahsil olib turib, xorijdagi nufuzli OTMlarda stipendiya dasturlari orqali grant asosida оʼqish imkoniyatlari mavjudligi aytildi. Xuddi shu kabi tadbir Qarshi shahridagi 7-sonli umumiy oʼrta taʼlim maktabida ham oʼtkazildi.