ILMIY-NAZARIY KECHA O‘TKAZILDI.

Bugun Qarshi davlat texnika universiteti va Nuriston akademik litseyi hamkorligida “Ilm bilan yulduzlarga, tafakkur bilan kelajak sari” mavzusida ilmiy-nazariy kecha tashkil etildi. Tadbirda Qarshi davlat texnika universitetining “Tabiiy fanlar” kafedrasi professor-o‘qituvchilari hamda Nuriston akademik litseyi pedagog-xodimlari va o‘quvchilari ishtirok etdi. Tadbir davomida professor-o‘qituvchilar tomonidan quyidagi mavzularda qiziqarli va ilmiy-nazariy ma’ruzalar taqdim etildi: • insoniyatning ilk yulduzli qadami: Gagarindan hozirgacha • nanotexnologiyalar: kichik olamdagi buyuk imkoniyatlar • kosmik texnologiyalar va zamonaviy hayot • koinotning yagona qonuni • kosmos va kelajak • nanotrubkalar — kelajak materialining mo‘jizasi • O‘zbekistonda kosmonavtika taraqqiyoti Tadbir ishtirokchilariga ilmiy kashfiyotlar, zamonaviy texnologiyalar hamda kelajak fanlari bo‘yicha keng tushunchalar berildi. Bunday tadbirlar yoshlarni ilm-fanga qiziqtirish, ularning tafakkurini kengaytirish va kelajak kasblariga yo‘naltirishda muhim ahamiyat kasb etadi.