Aniq maqsad – kafolatli kelajak

Bugun Qarshi davlat texnika universiteti “O‘zbek tili va adabiyoti” kafedrasi professor-o‘qituvchilari tomonidan QarDTU qoshidagi Nuriston akademik litseyida “Qarshi davlat texnika universiteti – aniq maqsad va kafolatli kelajak” mavzusida ma’naviy-ma’rifiy tadbir o‘tkazildi. Tadbirda kafedra mudiri: I.Xatamov, katta o‘qituvchilar: A.Xodjayev, F. Kosimova, D.Adilova, Sh.Babayeva, assistent o‘qituvchilar: D.Raximova, N.Radjapova, shuningdek, iqtisodiyot va boshqaruv fakultetining iqtidorli talabalari ishtirok etdilar. Tadbir davomida universitetning bugungi yutuqlari, ta’limdagi ustuvor yo‘nalishlar, talabalarga yaratilayotgan imkoniyatlar hamda yoshlar uchun keng istiqbollar haqida batafsil ma’lumotlar berildi. Ushbu uchrashuv o‘quvchi-yoshlarning kelajak kasbini ongli tanlashi, oliy ta’limga bo‘lgan qiziqishini yanada oshirishda muhim ahamiyat kasb etdi.