Yoshlar kuni

Bugun Qarshi davlat texnika universiteti Nuriston akademik litseyida “Yoshlar kuni” munosabati bilan Qashqadaryo viloyati Ichki ishlar boshqarmasi bilan hamkorlikda ma’naviy-ma’rifiy tadbir tashkil etildi. Tadbirda viloyat IIB ma’naviy-ma’rifiy bo‘lim boshlig‘i, podpolkovnik G‘. Esanov, IIB xodimi kapitan M. Bashirov, Kiberxavfsizlik boshqarmasi xodimi, leytenant O.Nabiyev hamda Qarshi shahar Ichki ishlar bo‘limi voyaga yetmaganlar ishlari bo‘yicha inspektor-psixolog, leytenant E.Abdullayev ishtirok etdilar. Tadbir davomida o‘quvchilarga yoshlar o‘rtasida huquqbuzarliklarning oldini olish, kiberxavfsizlik qoidalari, shuningdek, harbiy ta’lim muassasalariga o‘qishga qabul qilinish tartibi bo‘yicha atroflicha tushunchalar berildi. Mazkur yo‘nalishlarda targ‘ibot-tashviqot ishlari olib borilib, yoshlarning huquqiy ongi va axborot xavfsizligi bo‘yicha bilimlari mustahkamlandi.