Alisher Navoiy va Zahiriddin Muhammad Bobur

Bugun Qarshi davlat texnika universiteti Nuriston akademik litseyida buyuk mutafakkir va mumtoz adabiyot namoyandalari — Alisher Navoiy tavalludining 585 yilligi hamda Zahiriddin Muhammad Bobur tavalludining 543 yilligiga bag‘ishlab "Buyuk siymolar" mavzusida adabiy-badiiy tadbir bo‘lib o‘tdi. Tadbir davomida o‘quvchilar ulug‘ allomalarning hayoti va ijodi, ularning milliy ma’naviyatimiz hamda jahon adabiyoti taraqqiyotida tutgan beqiyos o‘rni haqida mazmunli chiqishlar qildi, she’riy parchalar va sahna ko‘rinishlari namoyish etildi. O‘quvchilar tadbirda faol ishtirok etib, o‘zlarining ijodiy qobiliyatlari, adabiy bilim va ma’naviy dunyoqarashlarini namoyon etdilar. Ushbu ma’naviy-ma’rifiy tadbir yosh avlod qalbida milliy iftixor, adabiyotga mehr va ma’naviy qadriyatlarga hurmat tuyg‘ularini yanada mustahkamlashga xizmat qildi.