Zo‘ravonlik va tazyiqqa qarshi kurashish

Bugun Qarshi davlat texnika universiteti Nuriston akademik litseyida “Zo‘ravonlik va tazyiqqa qarshi kurashish” mavzusida davra suhbati tashkil etildi. Tadbirda Qarshi shahar IIO FMB Xotin-qizlar masalalari bo‘yicha katta inspektor N.Maqsadova hamda Qarshi shahar Mustaqillik MFY jamoatchilik vakili R.Xamitova ishtirok etdilar. Davra suhbatida zo‘ravonlik va tazyiqning turlari, ularning ijtimoiy-psixologik oqibatlari, huquqiy mas’uliyat hamda bunday holatlarning oldini olish bo‘yicha amalga oshirilayotgan chora-tadbirlar yuzasidan atroflicha fikr almashildi. O‘quvchi-qizlarga amaliy misollar asosida tushuntirishlar berilib, savol-javoblar tashkil etildi. Mazkur tadbir o‘quvchi-yoshlar va pedagoglar o‘rtasida huquqiy ongni oshirish, zo‘ravonlikka nisbatan murosasiz munosabatni shakllantirishda muhim ahamiyat kasb etdi.