Zakovat intellektual bellashuvi

Qarshi davlat texnika universiteti Nuriston akademik litseyida Respublika Ma’naviyat va ma’rifat markazi Qarshi shahar bo‘limi tashabbusi bilan O‘zbekiston Respublikasi Konstitutsiyasi qabul qilinganining 33 yilligiga bag‘ishlangan “Zakovat” intellektual bellashuvi bo‘lib o‘tdi. Bellashuvda Qarshi shahridagi umumta’lim maktablari va akademik litsey jamoalari ishtirok etib, bilim, zehn va intizom borasida o‘zaro bellashdilar. Tadbirda Respublika Ma’naviyat va ma’rifat markazi Qashqadaryo viloyat hududiy bo‘limi rahbari, O‘zbekiston Respublikasi Oliy Majlisi Senati a’zosi — senator K.Z. Karomova ishtirok etdi. Senator o‘z nutqida yoshlarda huquqiy ong va fuqarolik pozitsiyasini yuksaltirish, ularni Vatanga sadoqat ruhida tarbiyalashning ahamiyatini alohida ta’kidladi. Shuningdek, tadbirda faol ishtirok etgan o‘quvchilar hamda g‘olib jamoalarni taqdirlab, ularga zexnlilik, tashabbuskorlik va bilimga intilishga bo‘lgan harakati uchun o‘z minnatdorchiligini bildirdi. Tadbir yoshlarda huquqiy bilimlarni mustahkamlash va ma’naviy-ma’rifiy muhitni yanada kuchaytirishga xizmat qildi.