11-noyabr — O‘zbekiston kasaba uyushmalari kuni
“11-noyabr — O‘zbekiston kasaba uyushmalari kuni” munosabati bilan Qarshi davlat texnika universiteti Nuriston akademik litseyida “Oʻzbekiston kasaba uyushmalari — 120 yil xalq bilan” bosh g‘oyasi asosida akademik litsey o‘qituvchilari o‘rtasida mini futbol musobaqasi tashkil etildi.
Mazkur sport tadbiri litsey jamoasi o‘rtasida sog‘lom turmush tarzini qaror toptirish, jamoaviy hamjihatlikni mustahkamlash hamda o‘qituvchilar o‘rtasida faol dam olish madaniyatini oshirish maqsadida o‘tkazildi.
Musobaqa qizg‘in va do‘stona ruhda kechdi. Bellashuv yakunida g‘olib va faol jamoalar aniqlanib, ular pul mukofotlari bilan taqdirlandi. Ushbu tadbir kasaba uyushmasi tashabbusi bilan tashkil etilgan bo‘lib, u akademik litsey jamoasi hayotida sport, do‘stlik va jipslik muhitini yanada mustahkamlashga xizmat qildi.
