Yaponiya raqamli universiteti (JDU)

Bugun Qarshi davlat texnika universiteti Nuriston akademik litseyida Yaponiya raqamli universiteti (JDU)ning bir guruh vakillari – universitetning o‘quv bo‘limi rahbari Kusaka Xerofumi, kadrlar bo‘limi bosh mutaxassisi E.Xushvaqov hamda yapon tili ta’limi bo‘limi rahbari K.Sheraliyevlar tashrif buyurdi. Dastlab akademik litsey rahbariyati bilan JDU o‘rtasida kelgusidagi hamkorlik rejalari muhokama qilinib, hamkorlik shartnomasi imzolandi. Shuningdek, akademik litsey bitiruvchilari bilan ushbu universitet vakillari o‘rtasida davra suhbati tashkil qilindi. So‘zga chiqqanlar tomonidan JDUda yaratilgan imkoniyatlar, o‘quv jarayoni va Yaponiyaning ilg‘or pedagogik texnologiyalari, IT sohasi zamon talabi ekanligi to‘g‘risida ko‘rgazmali ravishda batafsil tushunchalar berishdi.