Ochiq eshiklar kuni

Ochiq eshiklar kuni

Ochiq eshiklar kuni

Xabaringiz bor, viloyat oila va xotin-qizlar boshqarmasi, viloyat “Olima” uyushmasi, viloyat «Ixtirochi ayollar» uyushmasi, viloyat “Oqila ayollar” harakati hamkorligida “Ilmli ayol – jamiyat koʻzgusi” haftaligi oʻtkazilmoqda. Bugun mazkur haftalik doirasida Energetika fakultetida “Ochiq eshiklar kuni” tadbiri boʻlib oʻtdi. Tadbirda institut akademik litseyi oʻqituvchilari va oʻquvchilari fakultetdagi laboratoriyalar va “Muqobil energiya manbalari” oʻquv-ilmiy poligoni bilan yaqindan tanishdilar. Fakultet professor-oʻqituvchilari, doktorantlar va iqtidorli talabalar laboratoriya jihozlaridan foydalanish tartibi, “Aqlli issiqxona”ning afzalliklari, quyosh havo qizdirish qurilmalari, eksperimental quyosh uyi, biomassadan muqobil yoqilgʻi olish uchun piroliz va biogaz qurilmalarining ishlash prinsiplari, foydali jihatlari haqida maʼlumot berdilar.