Korrupsiyaga qarshi kurashish

Bugun Qarshi davlat texnika universiteti Nuriston akademik litseyida O‘zbekiston Respublikasining 2017-yil 3-yanvardagi 419-sonli “Korrupsiyaga qarshi kurashish to‘g‘risida” gi Qonunining mazmun-mohiyati, pedagog-xodimlar hamda o‘quvchi-yoshlarning huquqiy savodxonligini oshirish maqsadida “Korrupsiyaga qarshi kurashish – Vatan taraqqiyotining kafolatidir!” mavzusida huquqiy targ‘ibot tadbiri bo‘lib o‘tdi. Tadbirda viloyat adliya boshqarmasi ma’sul xodimi V.Boboyeva ishtirok etib, korrupsiyaning paydo bo‘lish tarixi, uning namoyon bo‘lish faktorlari, turlari, korrupsiyaning davlat taraqqiyotiga salbiy ta’siri, unga nisbatan huquqiy javovgarlik va ta’sir choralari, shuningdek, bugungi kunda jahon jamoatchiligi hamda respublikamizda korrupsiyaga qarshi amalga oshirilayotgan ishlar to‘g‘risida batafsil ma’lumot berdi. Tadbir o‘quvchi-yoshlar huquqiy bilimlarining rivojlanishiga xizmat qildi.