Litseyda 2024-yilning so’ngi Kengash yig’ilishi bo‘lib o‘tdi.

Bugun Qarshi Nuriston akademik litseyida 2024-yilning so’ngi Kengash yig’ilishi bo‘lib o‘tdi. Kengash yig’ilishida Qarshi muhandislik-iqtisodiyot instituti o‘quv ishlari bo‘yicha prorektori I.I.Ismoilov ishtirok etib, barcha pedagog-xodimlarni kirib kelayotgan yangi 2025-yil bilan samimiy tabrikladi. Kengash yig’ilishida 2024-yil davomida akademik litsey hayotidagi muhim voqealar, qo‘lga kiritilgan natijalar, erishilgan yutuqlar sarhisob qilindi. 2024-yil bitiruvchilarimizning 99%i oliy ta’lim muassasalari talabalari bo‘lganligi, “Zakovat” intellektual bilimlar bellashuvining Respublika bosqichida litsey jamoasi faxrli 2-o‘rinni egallaganligi, 2024-yil davomida o'qituvchi va o‘quvchilarimizning qariyb 250 nafarga yaqini turli darajadagi chet tillari hamda umumta'lim fanlarini bilish darajasi bo'yicha milliy va xorijiy sertifikatlarni qo‘lga kiritganligi, fan olimpiadalarining viloyat bosqichida 6 nafar o‘quvchilari faxrli o‘rinlarni qo‘lga kiritib, umumiy natijalariga ko‘ra viloyatda 1-o‘rinni egallaganligi, 2 nafar ustozlarimiz dotsent ilmiy unvonini qo‘lga kiritganligi alohida ta’kidlab o‘tildi. Shuningdek, 2024-yil davomida akademik litseyimiz nufuzini oshirish yo‘lida faollik ko‘rsatgan bir guruh o‘qituvchi va ishchi xodimlarga institut rektorining tashakkurnomalari topshirildi. Kengash yig‘ilishi davomida yangi 2025-yildagi istiqbol vazifalar, amalga oshiriladigan ishlar rejalashtirib olindi. Kengash yig’ilishining rasmiy qismi tamomlanganidan so‘ng, institut o‘quv ishlari bo‘yicha prorektori I.I.Ismoilov ishtirokida barcha pedagog-xodimlar uchun tashkil etilgan bayram sovg’alari topshirildi. Yangi yil ramzlari bezatilgan archa hamda Qorboboning tashrifi akademik litsey jamoasi xotirasida yorqin iz qolqirdi.