Bugun Qarshi muhandislik-iqtisodiyot instituti akademik litseyida “1 dekabr – Xalqaro OITSga qarshi kurashish kuni” munosabati bilan “Sog‘lom hayot sari birgalikda” mavzusida davra suhbati bo‘lib o‘tdi.

Tadbirda viloyat OITS ga qarshi kurashish markazi mutaxassisi Q.Eshmurodov ishtirok etdi. Mutaxassis tomonidan OIV infeksiyasining kelib chiqish tarixi, uning inson salomatligiga salbiy ta’siri to‘g‘risida ma’lumot berildi. Tadbir yakunida litsey o‘quvchilarining “OITS – asr zavoli” mavzusidagi devoriy gazetalari mutaxasiss tomonidan baholandi. Kasallikning tarqalishiga qarshi kurashish bo‘yicha yoshlar faolligida olib borilayotgan bu kabi tizimli targ‘ibot tadbiri o‘quvchi-yoshlarning sog‘lom turmush tarziga rioya qilishlariga bo’lgan e’tiborini yana bir karra oshirdi.